1 Omoro, oryximehxo exikety, imehnõ nohpo tõ motye, yna ezuhko:
2 Ypyno exikety tyhtose tutupi pona, tynarykatyã enese, otyro typoxine exikety.
3 Ypyno exikety nypynume ase, jepeme roropa mã ynororo.
4 Kuku, opyno ase, oryxime mase,
5 Jenepyra exiko, kuku, typoremãkase ywy oenuru tomo a.
6 Ozery karimutume mana, kaneru hpoty samo tysahkase ahtao, ikurikahpyry samo.
7 Oẽmyty kamirarame mana,
8 Imepỹ pyra mana isã exikety sero nono po.
9 Yrome toiro rokẽ pyno ase, atapuropyra exikety, utukuimo samo.
10 “Onoky mose ro ẽmepyry ehtoh samo,
11 Yhtoase utupi pona amẽtoeira tõ esaka,
12 Tykytyky tykamexipose ywy oya.
13 Osehko ropa, osehko ropa, suramita.