1 Ona ekurume ase Sarõ po;
2 Ririo samo omoxino tõ rãnao, moro sã mase, kuku, nohpo tõ rãnao.
3 Masã zoko sã mase wewe tõ rãnao itu htao, moro sã mokyro mana ypyno exikety, imehnõ orutua kõ rãnao.
4 Jaroase ynororo oseahmatoh taka otuhtoh konõto pona.
5 Uwa epery asarahtyã enehko ynapyryme yjamihtanohpotohme ropa, masã tõ roropa enahtohme,
6 Emary opozery wino jupuhpyry zopino mana,
7 Nohpo tomo, Jerusarẽ põkomo, õmirykõ etapoko kapau tõ netaryme, kapau nohpory tõ netaryme roropa,
8 Omi etãko ase, ypyno exikety omiryme.
9 Ypyno exikety kapau sã mana, kapau mũkuru samo.
10 Oturũko mã ypyno exikety ynetaryme.
11 Kuenime ehtoh tonahse,
12 ona po emero ekutãko mana.
13 Fiku tõ epery exipitõko mana,
14 Tõtonẽse mase utukuimo samo topu tõ rãnao, eutary aka osenepyra ehtohme.
15 Soesoe tõ sapoine, soesoe poenomo, kynarykahpyry ryhmaryino, uwa zoko tõ ekutaketomo.
16 Ypyno exikety pyno ase ynymenekahpyryme mana.
17 ẽmehtoh pona, koko enahtoh pona.