1 Sero nase Saromão eremiatoh imehxo exikety, imehnõ eremiatoh motye kurehxo exiketyme nase.
2 Ah ypohno typotapihpyryke!
3 Typoxine mase;
4 Kuaroko amaro! Eropa axiny!
5 Nohpo tomo, Jerusarẽ põkomo, xinukutumehme sã ypihpyry nase.
6 Jenepyra ehtoko xinukutumehme sã jexiryke, tyahkase jexiryke xixi a.
7 Kaxiko ya, pihpi, otoko oeky tõ nahpãko mah, kaneru tomo?
8 Zuaro pyra awahtao, kuku, imehnõ nohpo tõ motye oryximehxo mase,
9 Enekure potu mase, kuku, kawaru tõ samo, Parao kahu aronanõ samo.
10 Oẽmyty enekure mana, oũsety maro, panasere maro.
11 Osenao rĩko sytase okyryryme, uuru risẽ parata maro emeporyme.
12 Ytuisary kohrame toehse ahtao upũtokoxi, typorohtoh po,
13 Mokyro ypyno exikety typoxine mira sã mana, aoseremaryhtao ymanatyry tõ po.
14 Ypyno exikety otyro ekuru sã mana ona po, uwa tõ esao roropa Keti po.
15 Oryxime mase, kuku, opyno ase ipunaka!
16 Nuaseme mase, pihpi, opyno ase yronymyryme.
17 Apupari moro kytapyĩ weweme exĩko mana,