1 X̱ana' Dios, žaḻa' wx̱én ḻáže'to' Le' ḻo yež Sión,
2 Le' ženkzlo' da' ẕcháḻjḻento' Le',
3 Nbága'ḻi'a da' ẕinnj da' bena',
4 Ba nez ẕen naken che bennen' ẕbio' Le',
5 Ḻo da' chawe' da' nako' gono' da' ẕenḻe'e kate' gono' da' ẕnnablto' Le', Dios, Benne' Weslá cheto'.
6 Le' ẕzoa chocho' ya'a ẕen ka' ḻen yeḻa' wak chio'.
7 Ẕbek žio' nisdo' kate' ẕgo'nen, na' žaẕto' da' žonen.
8 Che ḻen benne' ka' nníta'gake' dot yežlyó ẕžébegake' da' ẕenḻe'e da' žono'.
9 Ẕwio' yežlyó, na' žseḻo'o nis yejw.
10 Žseḻo'o nis yejw gan de na, na' žeyonon' yo ya'a.
11 Žono' ga gak chegak benne' ka' yeḻa' ba nez to yiz to yiz ni'a che da' ẕneẕjo',
12 Žon yejw chio' ga žak ya'a gan ẕdagak bia yíx̱e' ka'
13 Ḻo lache' ka' zej nnita' ẕila' ka', na' žoa'agak yégodo' ka' naz ẕoa' stribe.