1 X̱ana' Dios, bze nag chi'a. Že' zedla' žḻiža' Le'.
2 Bkache' chawe' neda' nich benne' ka' bi zej nake' chawe' bi góngake' chia' kan žénegekle',
3 Diža' ka' ẕcháḻjgake' zej naken ka ya ntoche' ka',
4 Ki ẕnnágake' bagáche'ze nich góngake' ga chejchégwgak benne' ḻi ḻaže' ka'.
5 Žon byéngake' góngake' da' ẕinnj da' žénegekle',
6 Žíljgake' da' ẕinnj da' góngake', na' ẕwíagaken' binlo.
7 San Dios gon zi'e benne' ka' ḻen yag ntóche'do' chie' ka'.
8 Da' bchaḻjgak benne' ka' gonen ga chejchégwgake'.
9 Naž chébegake', na' wcháḻjgake' che da' ben Dios,
10 Yebele benne' chawe' ḻaw X̱anžon', na' wx̱én ḻaže'e Ḻe'.