1 X̱ana' Dios, bi tiḻo' neda' ḻo yeḻa' ẕža'a chio'.
2 dan' yag ntóche'do' chio' ka' wyázgaken neda',
3 Bi zoa chawe' beḻa' žen chia' dan' ẕžo'o neda',
4 Da' ẕinnj ka' da' bena' ẕbága'gaken yichj ḻáẕda'wa'.
5 Žia we' dot da' naka', na' ẕlaḻe'en, na' nóžwgak we' chia' ka'.
6 Ẕda' ẕwia' ḻo yole, dan' žedoe'ela',
7 dan' dot da' naka' ẕláḻe'en,
8 Nat ni'a na'a, na' žekla' zej nžoẕjen žit yoa'a.
9 X̱ana' Dios, da' ẕdan ḻaža'a zóaḻenen Le',
10 Žat ḻáẕda'wa', na' ba bedó ḻaža'a,
11 Žebíga'gak lježa' ka' zíto'le ni'a che yižwé' chia',
12 Benne' ka' žénegekle' gótgake' neda' ẕzáḻa'gake' do yeḻj nich senen neda',
13 san neda' bi ženla', kan žak che to benne' kwežw,
14 Naka' ka to benne' bi be ženle',
15 dan' žx̱en ḻaža'a Le', X̱ana' Dios.
16 Bi go'o latje yebégekle' ni'a che da' žaken chia'.
17 san za' chejchegwa', na' ẕláteze dot da' naka'.
18 Che ḻen yex̱óalapa' da' bi nak chawe' da' bena',
19 Benne' ka' bi ẕḻé'egekle' neda' chawe' zej zoakze' chawe', na' zej nake' waḻe.
20 Benne' ka' žóngake' benne' chawe' ka' ẕia.
21 Bi kwej yichjo' neda', X̱ana' Dios.
22 Ben byene gákḻeno' neda', X̱ana' Dios.