1 Da' ẕinnj da' žon bennen' ẕzoe' Dios cheḻa'ale ẕcháḻjḻenen ḻe' ḻo yichj ḻáẕda'we'.
2 Che ḻen ẕḻoe'el kwine' ka to benne' ẕente.
3 Da' ẕchaḻjze' naken da' ẕinnj, na' da' wen ḻaže'.
4 Ẕlab ḻaže'e da' bi nak chawe' katen' die' gan ẕtase'.
5 X̱ana' Dios, ẕente nak yeḻa' žeyache' ḻaže' chio' dan' ẕžinten ẕan ya'abá.
6 Da' chawe' da' nako' naken ka to ya'a ẕen chio',
7 Ẕenḻe'e nak yeḻa' žeyache' ḻaže' chio', Dios.
8 Yéljgekle' ḻen da' deḻe'e ližo'
9 Gan zo' Le' zoa gan žaḻ nis dan' žonnen yeḻa' nban.
10 Beyache' ḻaže'l benne' ka' zej nónbi'e Le',
11 Bi go'o latje benne' ẕka'n ẕen kwine' tíḻ-ḻene' neda',
12 Chejchégwgak benne' ka' žóngake' da' ẕinnj.