1 Xu'u lázrdawa' tu dizra' xrtante̱,
2 Nacu' xrtánle̱'e̱dxa ca xúgute̱ bénneache.
3 Bda' xia chiu' dxu'a le̱'u, Lue', benne' wal-la,
4 Lu xel-la' szren chiu' chepe bánquezu'.
5 Zaj nalále̱'e̱ xaga nalá xéche'ze chiu' ca',
6 Lataj blau naga dxe'u, Dios, naca na da chadía chacanna,
7 Nazri'inu' da naca xrlátaje, ne dxecuídenu' da cale̱la.
8 Dxelá zixre zra lanu' nen xala da naca na nizre xaga,
9 Bi nu'ula chee̱ wenná bea ca' zaj zúabe' ládujla nu'ula
10 Bene, nú'uladau', ne gunná' xque, ne bze̱ naga da nnia':
11 na' benne' wenná bea sa lazre̱' xel-la' xrtan chiu'.
12 Xelelá' nu'ula xe̱zre Tiro lau lue', zaj nu'e̱ da xelunne̱' chiu',
13 Xrtanle̱'e̱ naca bi nu'ula chee̱ wenná bea lu xu'u naga zue̱'.
14 Xeleché̱'e̱-be' lau wenná bea, nácube' zra lánabe'
15 Lu dute̱ xel-la' dxebé, ne lu da ba neza xeleché̱'e̱-be',
16 Waláz chee̱ xra xrna'u xelexezúa zri'inu',
17 Guna' cheajlesá lazre' xúgute̱ bénneache lau' lue'.