1 Be̱ lá'ana Xránadxu Dios, lue', bénne'du xu'a.
2 Dxugacu cuinu' xel-la' naxaní' ca zra lanu'.
3 Nunu' lizru' lawe' nisa da ze̱ ná'ala.
4 Dxuchínenu' be' ca' ca gubáz chiu' ca',
5 Bzua chuchu' xe̱zr la xu nigá lu lane na,
6 Bgacu' xe̱zr la xu nigá nen nísadau' ca dxun tu benne'
7 Gate gudil-lu' nisa na', na' bzrunnuj na.
8 Nisa na' bgacu na xi'a ca' xajxedxé na dxu'a xe̱gu ca',
9 Bzu' naga ze lau cheajsé̱ na, naga québedxa gaca te na,
10 Dxunu' beaj ca' dxelalaj na dxu'a xé̱gudu ca',
11 Lu xe̱gu ca' dxelé'aj be̱ xixre' ca' nisa,
12 Lu xaga zaj nnita dxu'a xe̱gu ca' zaj zra' béadu ca'
13 Zran xabáa dxesel-lu' xiuj da dxaca na lu xi'a ca',
14 Dxusegulu' xixre' da dxelagu be̱zre ca',
15 ne uva ca' da dxelune̱' xrise uva wal-la da dxuzúa na
16 Xaga cedro ca' da zaj zua na xi'a Líbano dxelezíle̱'e̱ na nisa xiuj.
17 Lu xaga ca' dxuluzría bxínnedu ca' xrú'uneba',
18 Zaj zua chivo xi'a ca' lu xi'a zri'a ca',
19 Be̱nu' beu' da dxulé'e na tu beu' tu beu' chee̱ iza,
20 Be̱nu' dxe̱la, na' gate bache nachul-la,
21 Dxelebezre xa'a be̱zre xixre' ca', zaj nauba' be̱ xeláguba'.
22 Gate dxalaj gubizra, na' dxelexezrinba' lu bluaj chee̱ba',
23 Nadxa dxeledxúaj bénneache dxelune̱' zrin,
24 Xran, da zante̱ zaj naca da be̱nu'.
25 Na' zua nísadau', da zri'a, ne da laga,
26 Lu nísadau' na' zaj zra' da dxeledá lawe' nísadau' ca'.
27 Xúgute̱ bea ca' dxuluxrén lázreba' Lue',
28 Dxunézruju' le̱ba', na' dxelecá'aba' na.
29 Gate quebe dxenná'u-ba', na' dxelezrébeba'.
30 Gate dxesel-lu' be' chiu', na' xelexaca banba'.
31 ¡Chadía chacanna gaca ba Xránadxu Dios!
32 Dxenné̱'e̱ xe̱zr la xu nigá, na' dxezrú' na.
33 Gúl-laqueza' chee̱ Xránadxu dxácate̱ na' naca bana'.
34 Chawe' naca chia' da ca' dxulaba lazra' ca naca chee̱',
35 Welebía xi' benne' dul-la ca' zaj zre̱'e̱ lu xe̱zr la xu nigá,