1 Naca cazuʼ Liʼ, Xan, ca yuʼu lidxaʼ.
2 Zíʼatëlö ca gulataʼ yuguʼ guíʼa, o ca gutaʼ yödzölió,
3 Runuʼ ga tuʼhuöáca bönachi bëchtö yu cateʼ rnnoʼ:
4 Quiuʼ Liʼ chi gayuáʼ iz nácagaca
5 Bugacuʼ bönachi ca tu lu yegu gubóʼo, ateʼ gúcagaca ca tu yëla rineruʼ.
6 Cateʼ naca lahuiʼ dza rizxö́n, en röʼ niʼa nëʼe,
7 Rinítituʼ tuʼ rilenuʼ netuʼ,
8 Nuzúʼ loʼ xiguiaʼ nabágaʼtuʼ,
9 Tuʼ rilédeʼenuʼ netuʼ ridödi quégaca dza queë́tuʼ,
10 Tsónnalalaj yuʼ chi ízisö zóatuʼ nabantuʼ,
11 ¿Nuzxi caz réajniʼi tsca naca yöl-laʼ rilé quiuʼ?
12 Que lë ni naʼ busëdi netuʼ para guéquibeʼetuʼ tsca gácagaca iz zóatuʼ,
13 ¿Gácaʼxte caz bitiʼ huéchiʼ ládxuʼu netuʼ, Xan?
14 Tu zila tu zila buluíʼi netuʼ ca naca yöl-laʼ dxiʼi ladxiʼ quiuʼ,
15 Ben ga udzéjatuʼ tsca chigulaca dza busacaʼ ziʼu netuʼ,
16 Buluíʼi netuʼ, yuguʼ huen dxin quiuʼ, ca naca le nunuʼ,
17 ¡Buzáʼ ladxiʼ queë́tuʼ, Xantuʼ Dios,