1 Lu yöl-laʼ rudzeja queë́liʼ guliʼgul-la queëʼ Dios.
2 Guliʼgul-la tu le gúl-laliʼ, cápaʼliʼ lëʼe guídidoʼ.
3 Guliʼcödxi luzu chivo cateʼ zoa beoʼ huë́ʼëni,
4 Lë ni naca tu xibá quégaca bönachi Israel,
5 Gudixjëʼ le para gaca tu le gun ba nalí queëʼ lógaca zxíʼini xiʼsóëʼ José,
6 Rnnëʼ Dios: “Gudúaʼ yuaʼ zxoa yaʼzxícjagaquiëʼ,
7 Bulídzaliʼ nedaʼ cateʼ bi guca queë́liʼ, ateʼ busöláʼ libíʼiliʼ.
8 Buliʼzë́ nágaliʼ, libíʼiliʼ, bönachi quiaʼ, ateʼ uxösaʼ libíʼiliʼ.
9 Bitiʼ ral-laʼ soa tu dios izáʼa ga naʼ zóaliʼ,
10 Nedaʼ, Xanliʼ, nacaʼ Dios queë́liʼ.
11 Bitiʼ buluʼzë́ nágagaca bönachi quiaʼ chiʼa.
12 Que lë ni naʼ busán ládxaʼa léguequi
13 Guzáʼ ládxaʼa uluʼzë́ nágagaca bönachi quiaʼ xtídzaʼa,
14 Laʼtuʼ ilún caní, uxicja cazaʼ nupa bitiʼ taʼléʼe léguequi dxiʼa,
15 Uluʼluíʼi cuínguequi nupa bitiʼ taʼléʼe nedaʼ dxiʼa,
16 Lëscaʼ ugahuaʼ libíʼiliʼ, bönachi quiaʼ, zxoaʼ xtila dxíʼadoʼ,