1 Busölá nedaʼ, Xanaʼ Dios,
2 Raca quiaʼ tsca ruhuötjaʼ ga rëʼ lu gunaʼ, en bitiʼ zoa ga gaca ulibaʼ.
3 Rudú ládxaʼa tuʼ rulidzaʼ nu gácalen nedaʼ, ateʼ daʼ lubáʼa.
4 Nayántërö ca guitsaʼ icjaʼ nupa bitiʼ taʼléʼe nedaʼ dxiʼa,
5 Nöz quézinuʼ Liʼ, Dios, yöl-laʼ canö́z quiaʼ,
6 Bitiʼ guʼu lataj nupa tuʼzxöni ladxiʼ Liʼ uluʼtuíʼi niʼa quiaʼ nedaʼ,
7 Tuʼ nadxíʼidaʼ Liʼ tuʼlidza ditjëʼ nedaʼ,
8 Nacaʼ ca tu bönniʼ ziʼtuʼ lógacabiʼ biʼi bö́chaʼa,
9 Tuʼ ruíʼi ládxaʼa yudoʼ quiuʼ régui rilá ládxiʼdaʼahuaʼ.
10 Ruzötaj cuinaʼ, en runaʼ gubasa,
11 Rácuaʼ lariʼ cáʼasö ca run nu ribödxi yechiʼ,
12 Taʼnnë́ʼ quiaʼ yuguʼ laʼ nöza,
13 pero nedaʼ ulidzaʼ Liʼ, Xan.
14 Guléaj nedaʼ para cabí huötjaʼ lu le naca ca gunaʼ.
15 Bitiʼ guʼu lataj ibagaʼ nedaʼ lë naʼ.
16 Bubíʼi didzaʼ, Xan, tuʼ nacuʼ dxiʼi ladxiʼ,
17 Bitiʼ ucachiʼ cuinuʼ lahuaʼ nedaʼ, huen dxin quiuʼ.
18 ¡Gudá ga zoaʼ dusölóʼ nedaʼ!
19 Nöz quézinuʼ Liʼ ca tuʼdidzaʼ yudxi nedaʼ,
20 Rudú ládxaʼa tuʼ tuʼdidzaʼ yudxi nedaʼ, en bitiʼ bi gaca gunaʼ.
21 Cateʼ gudunaʼ buluʼgahuëʼ nedaʼ tu le siláʼ,
22 Ben ga huöáca laní quégaquiëʼ ca tu le sön légaquiëʼ,
23 Ben ga ichul-la guiö́j lógaquiëʼ para cabirö ilaʼléʼenëʼ.
24 Busubagaʼ légaquiëʼ lu yöl-laʼ rilé quiuʼ,
25 Ben ga cuntu nu soa ládzagaquiëʼ,
26 Taʼzóa réguʼë nupa naʼ benuʼ léguequi xiguiaʼ.
27 Buzúaj lu guichi yuguʼ dul-laʼ tunëʼ,
28 Busulu lágaquiëʼ nazúajgaca lu guichi quégaca nupa nabángaca.
29 Nedaʼ riguíʼi rizácaʼa, en rudú ládxaʼa.
30 ¡Cuʼa-nëʼ yöl-laʼ ba Dios len tu le gul-laʼ!
31 Chaza ládxëʼë Xanruʼ Dios lë ni
32 Nupa taʼguíʼi taʼzacaʼ ilaʼléʼeni lë ni, en uluʼdzeja.
33 Ruzë́ naguëʼ Xanruʼ Dios nupa taʼyadzaj taʼyudxi,
34 ¡Guliʼcuʼë yöl-laʼ ba Dios, libíʼiliʼ yehuaʼ yubá, en luyú ni,
35 Usölá cazëʼ Dios bönachi Sión,
36 Zxíʼini xiʼsóagaquiëʼ huen xichinëʼ ilaʼzíʼibiʼ luyú naʼ,