1 Dios, buzë́ naguʼ chiʼa le rinabi yúdxidaʼ Liʼ,
2 Bucachiʼ nedaʼ para cabí bi ilún quiaʼ bagáchiʼsö nupa tuáʼ döʼ,
3 Nácagaca lúdxiʼgaquiëʼ ca yuguʼ guíë tuchiʼ,
4 Bagáchiʼsö tuʼzë́ yuguʼ yaga lahui tuchiʼ naʼ
5 Bitiʼ caʼ tuʼcáʼanëʼ le naca döʼ të́ʼënëʼ ilunëʼ.
6 Tunëʼ didzaʼ ca naca le naca döʼ ilunëʼ, taʼnnë́ʼ: “Chinabáʼa le gunruʼ.”
7 Uzal-lëʼ Dios tu yaga lahui tuchiʼ le ideliʼ légaquiëʼ.
8 Laʼ didzaʼ tuíʼisëʼ ilún ga tseajchéguʼgaquiëʼ.
9 Níʼirö yúguʼtë bönachi iladxi Dios,
10 Nu bönniʼ tsahuiʼ uziʼë xibë́ʼ Xanruʼ, en gunëʼ löza Lëʼ.