1 Dios, nacuʼ Dios quiaʼ, ateʼ idú ládxaʼa ruguiljaʼ Liʼ.
2 Ben ga iléʼedaʼ Liʼ lu lataj ga naʼ zoa cazuʼ,
3 Tuʼ nácatërö dxiʼa yöl-laʼ dxiʼi ladxiʼ quiuʼ ca yöl-laʼ naʼbán caz.
4 Guíaʼ Liʼ: “Xclenuʼ” tsanni ni zoaʼ nabanaʼ.
5 Ruhuölaj rudzéʼe icja ládxiʼdaʼahuaʼ le nácatërö dxiʼa,
6 Röjnedaʼ Liʼ cateʼ déaʼ lu le rátiʼdaʼ.
7 Rizáʼ ládxaʼa ca nacuʼ cateʼ rinaʼsaʼ yëla.
8 Nazö́n cazuʼ Liʼ böʼ naca cazaʼ.
9 pero ilaʼyaza lataj chul-la
10 Ilátigaca lu guíë tuchiʼ.
11 Nu rinná bëʼ uláz queëʼ Xanruʼ udzeja ladxiʼ lahuëʼ Dios.