1 Buéchiʼ ladxiʼ nedaʼ, Dios, tuʼ taʼdáʼbagaʼ bönachi nedaʼ.
2 Yuguʼ dza nupa bitiʼ taʼléʼe nedaʼ dxiʼa tuáʼ döʼ quiaʼ.
3 Cateʼ radxi ridzö́bidaʼ, uzxöni ládxaʼa Xanruʼ.
4 Ruzxöni ládxaʼa-nëʼ Dios, en riguʼa yöl-laʼ ba xtídzëʼë.
5 Yuguʼ dza tun nigui nedaʼ nupa bitiʼ taʼléʼe nedaʼ dxiʼa.
6 Tuʼdubëʼ ga nagáchiʼsö, en tuʼyúlanëʼ yúguʼtë le runaʼ,
7 Bubiʼë quégaquiëʼ, Dios, ca naca döʼ tuʼë,
8 Nöz quézinuʼ Liʼ ca röʼa böniga.
9 Cateʼ ulidzaʼ Liʼ, laʼ dza náʼasö uluʼhuécja gúz cúdzuʼlö nupa tuʼdíʼi nedaʼ.
10 Ruzxöni ládxaʼa-nëʼ Dios, en riguʼa yöl-laʼ ba xtídzëʼë.
11 Ruzxöni ládxaʼa-nëʼ, en bitiʼ bi gádxidaʼ.
12 ¡Gunnaʼ quiuʼ, Dios yuguʼ le guzxíʼ lu naʼa!
13 Busölóʼ nedaʼ lu yöl-laʼ guti, en nuzúʼ nedaʼ tsutsu.