1 Busölá nedaʼ, Xan, lu náʼagaca nupa tuáʼ döʼ.
2 Taʼzáʼ ládxëʼë le nácagaca xihuiʼ ilunëʼ,
3 Didzaʼ tuʼë tun ga nácagaca lúdxiʼgaquiëʼ ca yuguʼ bëla síniaʼ.
4 Ben chiʼi nedaʼ, Xan, para cabí bi ilunëʼ bönniʼ tuʼë döʼ quiaʼ.
5 Nupa tun ba zxön cuínguequi nucáchiʼgaca le sön nedaʼ,
6 Gudxaʼ-nëʼ Xanruʼ: “Nacuʼ Dios quiaʼ.
7 Xanaʼ Dios, naca cazuʼ Nu rusölá nedaʼ len yöl-laʼ huáca quiuʼ.
8 Bitiʼ guʼu lataj, Xan, gaca quiaʼ le rë́ʼënëʼ gunëʼ bönniʼ ruʼë döʼ.
9 Nacuáʼ nupa nagúʼugaca nedaʼ lë́ʼajlö.
10 Ben ga ilaʼbixaj boʼ yalaj lahui ícjagaquiëʼ.
11 Bitiʼ guʼu lataj soëʼ bönniʼ rizíʼ yëʼë luyú ni.
12 Nözdaʼ gunëʼ Xanruʼ ga uluʼrúaj tsahuiʼ nupa taʼguíʼi taʼzacaʼ,
13 Le nácatë ilë́ Liʼ: “Xclenuʼ” nupa nácagaca tsahuiʼ tuʼ tuʼlidza Loʼ.