1 Ruyú cazuʼ le yuʼu icja ládxiʼdaʼahuaʼ, Xan, en nunbëʼ cazuʼ nedaʼ.
2 Nöz quézinuʼ cateʼ riböʼa, en cateʼ riyasaʼ.
3 Ruyú cazuʼ nedaʼ cateʼ bi runaʼ, en cateʼ rasiaʼ,
4 Zíʼatëlö ca bi didzaʼ ruʼa,
5 Röjnöru cazuʼ lahuaʼ, en zaʼ cazuʼ cúdzaʼa,
6 Run ga rubánidaʼ tuʼ nöz quézinuʼ Liʼ.
7 ¿Naruʼ huáca tsejaʼ ga bitiʼ idxín Böʼ quiuʼ?
8 Laʼtuʼ huabenaʼ lúzxiba, niʼ soa cazuʼ Liʼ,
9 Laʼtuʼ uyijaʼ ga rilén gubidza,
10 niʼ caz ichëʼu nedaʼ,
11 Laʼtuʼ inníaʼ: “Ucachiʼ nedaʼ le naca chul-la”,
12 bitiʼ gaca chul-la loʼ Liʼ lë naʼ naca chul-la quiaʼ,
13 Nun cazuʼ Liʼ le zoa icja ládxiʼdaʼahuaʼ.
14 Guíaʼ Liʼ: “Xclenuʼ” tuʼ run ga rubánidaʼ ca nun cazuʼ nedaʼ,
15 Bitiʼ bigachiʼ loʼ le naca cazaʼ cateʼ niʼ siʼ galjaʼ,
16 Biléʼe quézinuʼ nedaʼ cateʼ niʼ siʼ galjaʼ,
17 Nazácaʼtërögaca quiaʼ le rizáʼ ládxuʼu, Dios.
18 Laʼtuʼ huáca nu ulaba léguequi,
19 Raca ládxaʼa usunítiuʼ nupa tuáʼ döʼ, Dios.
20 Tuíʼi didzaʼ ziʼ ca nacuʼ Liʼ, Dios,
21 ¿Naruʼ cabí riledaʼ nupa taʼlé Liʼ, Xan?
22 Idú ládxaʼa bitiʼ riléʼedaʼ léguequi dxiʼa.
23 Buyú nedaʼ, Dios, en gúquibeʼe le zoa icja ládxiʼdaʼahuaʼ.
24 Buyú channö zóalen nedaʼ le naca döʼ,