1 Yawe da yo masɨ masɨmɨsi agɨt, do kap kalugɨ kɨnda yaŋ ɨmno.
2 Yawe emaron teban tagɨt uŋun dakon yaŋ teŋteŋok agɨt.
3 Israel amɨn do but dasi galak taŋek dɨma yopmaŋ det do yaŋ teban tok agɨt uŋun do sigɨn nandɨsak.
4 Mɨktɨm amɨn morap, ji yaŋ tɨdaŋek Yawe aŋkɨsini.
5 Gita tɨdaŋek kap yaŋek Yawe aŋkɨsini.
6 Kweŋ gat ae kasɨsɨŋ gat pɨsoŋek yaŋ tɨdaŋek kɨsɨk kɨsɨk aŋek Yawe aŋkɨsini.
7 Tap gat yo morap tapgwan toŋ, ji yaŋ tɨdoni.
8 Pakbi madep ji kɨsit tɨdoni.
9 Ji kɨsisi Yawe da buron kɨsɨk kɨsɨk aŋek kap yoni, nido Yawe mɨktɨm amɨn morap gen kokwin aŋ yom do abɨsak.