1 Piŋkop, Yawe, gak paŋpulugokno.
2 Bɨsitno nandaki.
3 nido jɨgɨ morapmɨ nagon noman taŋ namɨŋakwa palɨ kɨmokdot.
4 Amɨn dɨwarɨ da si kɨmot do aŋ, nak uŋun yombem.
5 Nepmaŋ degakwa amɨn kɨlɨ kɨmakgwit gat kɨsi ekwamaŋ.
6 Mabɨ gapma dubagɨsi kɨdagɨsikon kɨlɨ pɨgɨgɨm, da pɨlɨn tuksigwan egɨsat.
7 Butjapgo da obɨsi abɨŋ nepgut.
8 Gak da yopbɨ notnoni da manji namgwit.
9 Nak jɨgɨ paŋapbo dabɨlno yokwi taŋakwan tagɨ dɨma sɨŋtosot.
10 Gak wasok tapmɨmɨ toŋ amɨn kɨmakbi paŋpulugok do aŋek asal, ma?
11 Ae kɨmakbi tamokon kɨlɨ pakgwit kabɨ da gak da but dasi galak taŋ nimɨsal yaŋ dɨ yoŋ bo dɨma?
12 Pɨlɨn tuk tamogwan ekwaŋ amɨn da wasokgo tapmɨmɨ toŋ uŋun dɨ pɨndakgaŋ?
13 Yawe, nak gak da aŋpulugoki do yaŋ tɨdosot.
14 Mani Yawe, nido manji namɨsal?
15 Monjɨ bulagɨ egɨpgum bɨsapmon da wɨŋ abɨsok egɨsaron, jɨgɨ paŋek kɨlɨ uŋunjok kɨmotdɨsat.
16 Yawe, butjapgo da wutjɨŋ namɨsak.
17 Gɨldat kɨnda kaloŋ nak do yaŋ asal.
18 Gak da abɨ notno tagɨsi nepmaŋ dekgaŋ.