1 Yawe, gak da mɨktɨmgo ae amɨn kabɨgo Jekop nin paŋpulugaŋaki kalɨp tagɨsi egɨpgumaŋ abɨsokyo kɨsi yaŋ gɨn aŋaki tagɨsi ekwamaŋ.
2 Amɨn kabɨgo nin yokwi morap agɨmaŋ dakon dɨwarɨnin uŋun wɨrɨrɨk nimgul.
3 Gak kalɨp nin do butjap nandagɨl uŋun nandabɨ magɨt.
4 Piŋkop, yokwikon baŋ tɨmɨt tɨmɨt amɨnin, kalɨpsi nin tagɨsi egɨpgumaŋ abɨsok paŋkaluk abɨ yaŋgɨn egɨpneŋ.
5 Bɨsap mudok mudogɨ mɨni butjap sigɨn nandaŋ nimɨŋ wɨgɨkdɨsal?
6 Mɨŋat amɨn kabɨyogo aego paŋteban abɨ nin kɨsɨk kɨsɨk aŋek gak aŋkɨsineŋ.
7 Yawe, gak asisi mudok mudogɨ mɨni nin do but dasi galak taŋ nimɨsal uŋun dakon bamɨ nolɨŋbɨ koneŋ.
8 Nak Piŋkop Yawe da gen yosok uŋun do mɨrak pakyaŋsi yopmaŋdat.
9 Asisi, amɨn Piŋkop do pasal ɨmaŋ uŋun yokwikon baŋ tɨmɨtdɨsak.
10 Uŋun bɨsapmon amɨn da amɨn do but dasi galak taŋ yomɨŋek aŋpak tagɨsi aŋ yomdaŋ.
11 Mɨktɨmon Piŋkop but dasi yolyol aŋpak mɨktɨmgwan da pawɨŋban pɨsaŋek kwokdɨsak.
12 Asisi, Yawe da yo tagɨsi nimɨŋakwan mɨktɨmnin da jap morapmɨsi paŋalon akdɨsak.
13 Yawe apjak dakon kosit yul ɨm do kaŋ, amɨn da aŋpak kɨlegɨ aba kaŋek uŋudon tagɨ apjak.