1 Piŋkop Tapmɨm Ami, gak dakon yut tɨlɨmɨ toŋ galagɨsi.
2 Nak uŋudon egɨp do but dasi madepsi galak tosot.
3 Yawe Tapmɨm Ami, gak Kɨla Amɨn Madepno ae Piŋkopno.
4 Mɨŋat amɨnyo gak da yutnon ekwaŋ uŋun kɨsɨk kɨsɨk aŋek bɨsapmɨ bɨsapmɨ mango awɨgɨk do kap yoŋ.
5 Mɨŋat amɨnyo gak dakon tapmɨm tɨmɨgek Saion Kabapmon wɨgɨk do but dasi galak toŋ, uŋun kɨsɨk kɨsɨk tagɨ ani.
6 Mɨktɨm kɨnda mani Mɨktɨm Kunam Pakbi Kulduk Gɨbaŋ, uŋudon kɨŋakwa uŋun mɨktɨmon pakbi gapma morapmɨ noman toŋ.
7 Uŋun amɨn kosit agek tapmɨm kaluk sigɨn paŋ.
8 Piŋkop Yawe Tapmɨm Ami, bɨsitno nandaki.
9 Nin dakon kɨla amɨn madep do koki.
10 Nak gɨldat kaloŋ kɨndagɨn gak dakon yut da yomakon egɨpbeŋ kaŋ, uŋun da tagɨsisi asak.
11 Nido Yawe uŋun paŋkutnok amɨnin ae teŋteŋɨnin.
12 Yawe Tapmɨm Ami, mɨŋat amɨnyo gak nandaŋ gadaŋ gamaŋ amɨn uŋun kɨsɨk kɨsɨk tagɨ ani.