1 Piŋkopno, Piŋkopno, nido nipmaŋ dekgɨl?
2 Piŋkopno, gɨldarɨ gɨldarɨ gak do yaŋ tɨdosot,
3 Mani gak telagɨ egɨsal. Gak kɨla amɨn madep yɨgaki Israel amɨn da mango aŋkɨsaŋ.
4 Kalɨp babɨknin da egɨp egɨpni gagon tosok yaŋsi nandaŋ gamgwit.
5 Gak do yaŋ tɨdaŋba jɨgɨkon baŋ pulugagɨl.
6 Mani nak amɨn dɨma, nak waleŋ yombem yo ɨsalɨ.
7 Amɨn morap nak nandaŋ uŋun yaŋsul aŋ namaŋ.
8 Aŋek yaŋ yoŋ, “Yawe da aŋpulugosak do nandaŋ gadaŋ ɨmɨsak,
9 Piŋkop gak dasi kɨlano aŋaki meŋ da buron da tagɨsi altagɨm.
10 Meŋno da aŋalagɨron da wasaŋek gak da kɨsiron egɨpgum da egɨsat.
11 Jɨgɨ mibɨlɨ mibɨlɨ abaŋ, ae paŋpulugokno mɨni, do dubagɨkon dɨma egɨpbi.
12 Uwalno uŋun bulmakau wɨli da yaŋ aŋgwasaŋ.
13 Laion da joŋ kɨlap nok do yaŋ tɨdaŋek gen kagani aŋtaŋ kwaŋ,
14 Pakbi ɨsal dogɨn tagal kɨ mudoŋ, uŋun da tɨlak tapmɨmno mɨnisi aŋ.
15 Tapmɨmno mɨni aŋakwan melno tɨptaŋ gen kaganogwan tegosok.
16 Amɨn yokwi da nak pɨŋan da yaŋ aŋgwasaŋ.
17 Kɨdatno kɨsi noman taŋakwa tagɨ manjɨkeŋ.
18 Ɨmalno kokwinɨk tɨmɨgek paba pɨgɨkno namɨn da abɨdosak yaŋ do satu wasok aŋ.
19 Yawe, nak nepmaŋek dubagɨkon dɨma egɨpbi.
20 Aŋpulugaŋbɨ emat agak sɨba baŋ dɨma nɨkba kɨmokgeŋ.
21 Laion da gen kaga ae joŋ bulmakau da jomon baŋ pulugaŋ nepbi.
22 Yaŋ aŋaki notno kabɨkon man madepgo yaŋ teŋteŋokeŋ.
23 Yawe do pasal ɨmaŋ amɨn kabɨ, Yawe aŋkɨsini.
24 Nido jɨgɨ madepsi paŋ amɨn manji dɨma yomɨsak.
25 Amɨn madepsi Piŋkop gawak ɨm do muwutni bɨsapmon gak aŋkɨsikeŋ.
26 Bupmɨ amɨn jap arɨpmɨsi naŋ tugokdaŋ.
27 Amɨn mɨktɨmɨ mɨktɨmɨ ekwaŋ Yawe do nandaŋek tobɨl iyɨkon apdaŋ.
28 Nido Yawe kɨla amɨn madep egek mɨktɨmɨ mɨktɨmɨ amɨn morap kɨlani asak.
29 Mɨktɨmɨ mɨktɨmɨ kwen wɨgɨk amɨn morap da ŋwakbeŋ aŋ ɨmdaŋ.
30 Don altaŋ altaŋ ani amɨn da omani aŋɨmdaŋ.
31 Piŋkop da aŋpakni kɨlegɨkon da iyɨ mɨŋat amɨn kabɨni yokwikon baŋ tɨmɨkgɨt,