1 Yawe, kɨla amɨn madep da tapmɨmgo do kɨsɨk kɨsɨk nandɨsak.
2 Yo tɨmɨt do nandagɨt uŋun gak da ɨbɨ kɨlɨ tɨmɨkgɨt.
3 But galagon da abɨdaŋek yo tagɨsi ɨmgul.
4 Egɨp egɨp do bɨsit gayɨŋban ɨmgul.
5 Aŋpulugaŋaki man madepni madepsi tosok.
6 Gak da yo tagɨsi dagok dagogɨ mɨni aŋɨmɨŋ wɨgɨkdɨsal.
7 Kɨla amɨn madep da egɨp egɨpni Yawekon tosok yaŋsi nandɨsak.
8 Kɨla amɨn madep da uwal morapni tebaisi tɨmɨtdɨsak.
9 Kɨndap madep da yo sosoŋ, uŋun da tɨlak noman altosak bɨsapmon uwalni dapban pasɨldaŋ.
10 Kɨla amɨn madep da uwalni dakon monjɨ gwayoni kɨsi morap dapban kɨmak mudokdaŋ.
11 Uwal da nandak nandak aŋek kɨla amɨn madep yokwi aŋ ɨm do gen yaŋ paŋteban aŋ,
12 Dɨkdɨkgo baŋ yamaŋ yobɨ tobɨlek pasal si kɨkdaŋ.
13 Yawe, tapmɨmgo madepsi do gak dakon man aŋkɨsik do kap yoneŋ.