1 Yawe, gak butnokon yo ni da toŋ uŋun kokwin aŋek bamɨsi nandaŋ namɨsal.
2 Gak nak da yɨk pɨdotyo asat uŋun nandaŋ mudosol.
3 Nak kosit agɨsat bo ae dɨpmɨn pokdoron niaŋ egɨsat uŋun gak da nandɨsal.
4 Yawe, nak gen kɨnda yok do asat uŋun gak da kɨlɨ nandagɨl.
5 Gak mibɨltok ae buŋonyo agaki kɨsitgo da nak abɨdosok.
6 Nandak nandakgo da nandak nandakno yapmaŋek wukwisi asak.
7 Nak dukwan kɨŋek Wupgo yɨpmaŋ dekgeŋ?
8 Kwen Kokupmon wɨgɨkeŋ kaŋ, gak uŋudon egɨpdɨsal.
9 Pɨdaŋ pɨrɨropmaŋ gɨldat wɨsak tetgɨn do dubagɨsi kɨkeŋ bo tap dɨwarɨsikon kɨkeŋ kaŋ,
10 gak uŋudon egɨpdɨsal gɨn.
11 Nak “Pɨlɨn tuk da nak aŋkɨsɨbɨsak, ae gɨldat dakon teŋteŋ nak aŋgwasisak uŋun da pɨlɨn tuk asak” yaŋ yokeŋ kaŋ
12 pɨlɨn tuk da nak arɨpmɨ dɨma aŋkɨsɨbɨsak.
13 Gak da gɨptɨm dɨwat morapno kɨsi wasagɨl.
14 Nak da gak aŋkɨsisat, nido gak da pi ŋwakŋwarɨsi aŋek nak wasaŋ nepgul.
15 Meŋ da butgwan pasɨlɨ tamogwan tagok tagok agɨm bɨsapmon gak da pɨndagaki kɨdat morapno tagaŋek notnikon saŋbewit.
16 Meŋ da dɨma aŋalaŋakwan kɨlɨ nandagɨl.
17 Piŋkop, nandak nandak morapgo uŋun wagɨl tagɨsisi.
18 Gak da nandɨsal yo morap manjɨkeŋ kaŋ, tap ɨleŋon nɨman morap yapjak.
19 Piŋkop, amɨn yokwi dapbɨ kɨmotni do nandɨsat.
20 Uŋun amɨn da gak do gen yokwi yoŋ, ae gak dakon man do gen gɨreŋ yoŋ.
21 Yawe, nak amɨn gak do kuragɨ nandaŋ amɨn do kuragɨ nandaŋ yomɨsat.
22 Asisi, nak uŋun amɨn do kuragɨsi nandɨsat.
23 Piŋkop, kokwin tagɨsi aŋek nak dakon nandak nandak morap butnokon toŋ uŋun do nandaki.
24 Egɨp egɨpno kokwin tagɨsi abi.