1 Yawe, nak but dasi nandaŋek ya yaŋ gayɨsat.
2 Bɨsapmɨ bɨsapmɨ but dasi galak taŋ namɨŋek kɨlano tagɨsi asal, ae mango gat gengo gat da yo morap yapmaŋ mudaŋek uŋun da wukwisi amal.
3 Gak do bɨsit asat bɨsapmon nandaŋ namɨsal.
4 Yawe, mɨktɨmon kɨla amɨn madep morap da gengo kɨlɨ nandayɨŋ, do uŋun da mango yaŋ aŋkɨsini dosi nandɨsat.
5 Tɨlɨmni uŋun madepsi, do uŋun da Yawe dakon wasokni do nandaŋek kap yoni dosi nandɨsat.
6 Yawe uŋun wukwisi egek amɨn iyɨ do nandaba paŋ amɨn uŋun nandaŋ yomɨŋek kɨlani asak.
7 Jɨgɨ mibɨlɨ mibɨlɨ altaŋ naba kɨlano aŋaki dɨma kɨmokdot.
8 Yawe da nak niaŋsi egɨpbeŋ ae pi ni baŋ abeŋ do nandagɨt uŋun kɨlano aŋakwan aŋ mudokeŋ.