1 Neꞌekuei ni na vi katao nuu Jitoꞌo Dios ja ka kusii inio,
2 Na kiꞌinkueio nuu oo ya, ja vi ndakuantaꞌuo nuu ya.
3 Chi maa Jitoꞌo kuu ia Dios kaꞌnu ndevaꞌa,
4 Te nuu ndaꞌa maa ya oo ndee nuu kunu ka chii ñuꞌu,
5 Te suni kuenta maa ya kuu ndute mar,
6 Neꞌekuei ni na vi jinkindei vi jinkititio nuu ia Dios,
7 Chi maa ya kuu ia Dios mao,
8 Ma vi saꞌa ndee ron ini anu ron,
9 na ni ka ndakoo ndi nijaꞌnu ron siki rin,
10 Te uu xiko kuia ni okiti ini rin nuu ñayiu yun,
11 Te yun kuu ja ni kee yuꞌu rin jin ja kiti ini rin,