1 ¿Nau ja vi nikuii nikani ni xndendoo ña ni, vi Dios?
2 Ndakaꞌan ni jin ñayiu ñuu ni ja ni niꞌi ni ndee jananaꞌa,
3 Neꞌe ni te kiondita ni nuu ka nduei veꞌe ñuu ni ja ni ka ndaa yaꞌa,
4 Te ka kañu xeen tee ka ndakoo siki ni ini veꞌe ii ni,
5 Te ni ka ndakoo de siki veñuꞌu ni jin kaa yoko,
6 Te jin kaa yoko yun vi jin martiyu ni ka jaꞌnde de ndiꞌi yutnu
7 Te ni ka teñuꞌu de veñuꞌu ni,
8 Te ni ka ndakani ini de jin anu de: “Na vi xnao in jichi ni jin”.
9 Te tu ka jini ka san tniuu naꞌnu ja saꞌa ni,
10 ¿Te nasaa ka kiuu guaa vi kokuaku ndee ña tee ka kaꞌan uꞌu ña jin san, vi Dios?
11 ¿Nau ja vi tu saꞌun nagua saꞌa ni jin ñayiu yun?
12 Su maa ni kuu rey san ndee jananaꞌa, vi Dios,
13 Te ni jaꞌnde maa ni ndute mar jin ja kaꞌnu ni,
14 Te ni jaxin ni xini inka kiti kaꞌnu oo nuu ndute mar,
15 Te ni saꞌa ni ja ni ka jinonta nuu ndute vi yute,
16 Te kuenta maa ni kuu tnoꞌo nduu vi suni tnoꞌo jakuaa,
17 Te maa ni, ni chikuaꞌa ndenu yituu jaꞌa ñuyiu,
18 Te ma ndunaa ini ni, vi Jitoꞌo san, jin ñayiu ka kaꞌan uꞌu ña jin ni,
19 Te ma kuandetu ni ja vi kaꞌni ña ñayiu ka kuu na kuinio kiti xeen, jin sein
20 Te kondiaꞌa ni tratu ni saꞌa ni jin ñayiu ñuu ni, te koto kuni ña ni,
21 Te ma kuandetu ni ja vi kendoo kanoo ñayiu ka tnaꞌa tnundoꞌo,
22 Ndakoo ni, vi Dios, te kaꞌan niꞌnu ni ja jaꞌa maa ni.
23 Te ma ndunaa ini ni ja ka kana jaa ñayiu ka kaꞌan uꞌu ña jin ni,