1 Kuñaꞌa ni tnoꞌo ndichi nuu rey ja na kuni de kaꞌnde ndaa de kuechi nagua saꞌa maa ni, vi Dios,
2 Te na tatnuni ndaa de nuu ñayiu ñuu ni,
3 Te na vi kuñaꞌa yuku vi tinduu javii javaꞌa ja na vi koo vaꞌa ñayiu ñuu ni.
4 Te saꞌa ndaa rey ja jaꞌa ñayiu ka kusuchi ini nuu ñuu,
5 Te siun ni na vi koyuꞌu niꞌnu ña ñayiu jin ni, vi Dios,
6 Te rey yun kokuu na kuinio sau ja kuun siki yuku ja ni teꞌnde
7 Te kosaꞌa ndaa de tiempu ja kotatnuni de, te vi koo mani ñayiu,
8 Te kenta de kotatnuni de guaa ndee nuu jinkituu ndute mar
9 Te na vi kindei vi kititi ñayiu ka kaꞌan uꞌu ña jin de ja ka oo nuu ñuꞌu teꞌa,
10 Te rey ka oo Tarsis vi ñayiu ka oo yuꞌu ndute mar kikuei jin ja vi skutaꞌu ñai jin de.
11 Te ndiꞌi tee ka kuu rey vi kindei vi kititi nuu de.
12 Chi skaku niꞌnu tee kuu rey yun ñayiu ka kundaꞌu ja ka jikantaꞌu nuu de,
13 Te kundaꞌu ini de ñayiu ka kundaꞌu vi ñayiu tu nagua ka nevaꞌa saꞌun,
14 Te skaku niꞌnu ña de nuu ndaꞌa ñayiu ka saꞌa ndevaꞌa ndetnuni ña
15 Te na koteku rey nikuii nikani, te na vi kuñaꞌa oro oo ñuu Sabá nuu de,
16 Te na koo kuaꞌa triu nuu ñuu de, te na kava kuaꞌa triu nuu yuku,
17 Te nikuii nikani koo sivi rey yun, te siun ni vi kosaꞌa kaꞌnu ña jin de nini yeꞌe ka nikandii.
18 Kaꞌnu kuu Jitoꞌo Dios, ia Dios ñayiu Israel,
19 Te kaꞌnu kuu sivi ya, chi siun ni yeꞌe tajan ya,
20 Yaꞌa jindiꞌi tnoꞌo ndakuatu David, seyii Isaí.