1 Kundaꞌu ini ña ni jin san, vi Dios, chi ka oo ñayiu ka sondikin ña jin san,
2 Ndiꞌi ni kiuu ka sondikin ña tee ka kaꞌan uꞌu ña jin san,
3 Su kiuu ja yuꞌu san,
4 Te kukanu ini san ia Dios, te saꞌa kaꞌnu san tnoꞌo ya.
5 Te siun ni ka kagua de tnoꞌo kaꞌan san,
6 Te ka ndututu de, te ka neni yuꞌu ña de,
7 Ma skaku ni jin de nuu jakueꞌe ka saꞌa de yun, vi Dios.
8 Chi ja ni kaꞌu maa ni na kusaa jichi jino yuꞌu san,
9 Te vi kunu ñayiu ka kaꞌan uꞌu ña jin san kiuu ja kana san nuu ia Dios ja chituu ña ya,
10 Te kukanu ini san ia Dios, te saꞌa kaꞌnu san tnoꞌo ya.
11 Te kukanu ini san ia Dios, te tu yuꞌu san,
12 Skunkuu san tnoꞌo ni kee yuꞌu san nuu ni, vi Dios,
13 Chi ni skaku niꞌnu ña ni jin san ja tu ni jiꞌi san,