1 Konini ni tnoꞌo kaꞌan san nuu ndakuatu san nuu ni, vi Dios,
2 Konini ni joo tnoꞌo kaꞌan san, te saꞌa ni nagua jikan san,
3 ja jaꞌa ja ka chindetu ña ñayiu ka kaꞌan uꞌu ña jin san.
4 Te vi suaꞌa kanta anu san ja yuꞌu ndevaꞌa ndetnuni san
5 Te vi suaꞌa niꞌi san ja yuꞌu san,
6 Te ni kachi san: “Nuu suaꞌa te nukoo ndijion na kuinio in sata,
7 Te jandaa ndija ja kunu yuꞌo, te kiꞌin jikao,
8 Te nduku ndeo ja kunu jikao ja skakuo mao nuu yiꞌi xeen tachi
9 Su xnaa ni jin ñayiu yun, vi Jitoꞌo san.
10 Te nduu vi ñuu ka jiondui muro ja ndesi ñuu yaꞌa,
11 Chi ini ñuu yaꞌa oo kuaꞌa jakueꞌe, te ndevaꞌa ndetnuni ka saꞌa tnaꞌa ñayiu,
12 Chi nuu ja in tee kaꞌan uꞌu ña kuu tee nani ña jin san, te kuandee ni ini san,
13 Su ñaꞌa, chi saa maa ni kuu, maa ni ja ka ndeka tnaꞌa guaꞌo,
14 Te luu ndevaꞌa ni ka ondatnoꞌo,
15 Te vi sanaa ni, te na vi kuu tee ka kaꞌan uꞌu ña jin san,
16 Su ja maa san, chi kana san nuu ia Dios,
17 Te tnoꞌo neꞌe vi sau nduu vi tnoꞌo jakuaa ndakuatu san nuu ia Dios,
18 Te ndatau ña ya nuu ka jaxin tnaꞌa san,
19 Te konini Dios, ia tatnuni nikuii nikani, tnoꞌo ja jikantaꞌu san,
20 Chi ni ndakoo tee kueꞌe yun siki tee ka oo mani jin de,
21 Te kaꞌan vita ndevaꞌa de na kuinio xeꞌen,
22 Vi xndendoo ni ja ka ndiꞌni ndevaꞌa ni nuu ndaꞌa Jitoꞌo,
23 Su maa ni, vi Dios, chi saꞌa ni ja junkuei ñayiu ka jaꞌni ndiyi vi ñayiu ka xndaꞌu inka ñayiu nuu yau ñaña ja vi nai,