1 Kundaꞌu ini ña ni, vi Dios, nagua kutoo ni ñayiu,
2 Ndakate ña ni in kiuu in kiuu ka nuu ndiꞌi jakueꞌe saꞌa san,
3 Chi ndakuni san jakueꞌe saꞌa san,
4 Nuu maa ni, ni saꞌa san yika kuechi, maintnoꞌo ni nuu maa ni.
5 Chi jandaa ja ñayiu kueꞌe kuu san ndee nuu ni kaku san,
6 Te jandaa ja kutoo ni ñayiu oo tnoꞌo ndaa ini anui,
7 Ndasavii ña ni jin ndaꞌa tnu hisopo, te na nduvii san.
8 Ndataa ni tnoꞌo sii ini, te na ndusii ini tuku san,
9 Ma kondiaꞌa ni yika kuechi san,
10 Ndataa ni in anu vii nuu san, vi Dios.
11 Ma xtajioo ña ni jin san nuu oo ni,
12 Ndataa ni tnoꞌo sii ini, ja skaku niꞌnu ña ni,
13 Saa te saa kaxtnoꞌo san ichi maa ni nuu ñayiu ka saꞌa jakueꞌe,
14 Skaku ña ni ja ma kaꞌni ka san ndiyi, vi Dios,
15 Kune ni yuꞌu san, vi Jitoꞌo san,
16 Chi tu junkuaan ini ni ja soko san nuu ni,
17 Chi ja junkuaan ini ni ja vi soko nuu ni kuu ja vi kusuchi ini ñayiu jin jakueꞌe ka saꞌi.
18 Saꞌa ni javii javaꞌa jin ñuu Sión,
19 Yun te saa junkuaan ini ni ja vi soko ndaa san nuu ni,