1 Ma kuxeen ni nuu san jin jakiti ini ni, vi Jitoꞌo san,
2 Chi ni tnaꞌa san jin yutnu ndugua ni,
3 Te vi nii nuu yiki kuñu san kuꞌu ja jaꞌa ja kiti ini ni,
4 Chi vi ja ni jinonta jakueꞌe saꞌa san ndee xini san,
5 Te vi teꞌi san vi jaꞌan xiko kueꞌe san ja jaꞌa tniuu vasa ja ni saꞌa san.
6 Te vi suaꞌa ndatoso san ja jatu san, te vi makuita saꞌun san,
7 Chi nii yata san jatu ja yiꞌi ndevaꞌa ña kiji,
8 Te vi makuita saꞌun san, te vi jechi kueli san,
9 Ja jini maa ni ndiꞌi nagua ndioo ini san, vi Jitoꞌo san,
10 Te vi suaꞌa ni ka kanta anu san, te makuita saꞌun san,
11 Te ni ka kuu jika ñayiu ka ndeka tnaꞌa guaꞌa jin san
12 Te ñayiu ka nduku ja vi kaꞌni ña, ka nduku ndevaꞌi naxa vi skanakau ñai,
13 Su sein, chi saꞌa soꞌo san maa san, te tu nini san tnoꞌo ka kaꞌin,
14 Te kuu san na kuinio in tee ja tu nini,
15 Chi ndetu kaꞌnu ña san jin maa ni, vi Jitoꞌo,
16 Te ni kachi san: “Ma vi kokusii ini ñayiu ja jaꞌa san,
17 Su ja oo yatni ja kanakau san, chi ni ja tu junkuiin ka ja jatu san.
18 Te yun guaa naꞌma san jakueꞌe saꞌa san,
19 Chi inu naꞌnu vi inu ndakui tee ka kaꞌan uꞌu ña jin san,
20 Te ja saꞌa san jaguaꞌa, te ka ndasaꞌa ñai jakueꞌe.
21 Ma xndendoo ña ni, vi Jitoꞌo.
22 Neꞌe ñama ni, te chituu ña ni jin san, vi Jitoꞌo,