1 Nuu maa ni nduku san ja tavaꞌa ña ni, vi Jitoꞌo,
2 Konini ni joo tnoꞌo kaꞌan san, te ñama skaku niꞌnu ña ni,
3 Chi maa ni kuu in kava san vi in veꞌe sukun san,
4 Te skaku niꞌnu ña ni ja ma kanakau san nuu ja ni ka tayuꞌu ñayiu,
5 Te nuu ndaꞌa maa ni xndendoo san anu san,
6 Skexiko san ñayiu ka chiñuꞌu chuꞌchi ja tu ka jiniuꞌu,
7 Kusii ini ndevaꞌa san ja kundaꞌu ini ña ni jin san,
8 Te tu ni jandetu ni ja kanakau san nuu ndaꞌa ñayiu ka kaꞌan uꞌu ña jin san,
9 Kundaꞌu ini ña ni jin san, vi Jitoꞌo, chi tnaꞌa san tnoꞌo suchi ini,
10 Chi kuaꞌan mandiꞌi san jin tnoꞌo suchi ini,
11 Te ndiꞌi ñayiu ka kaꞌan uꞌu ña ka saꞌa kuasun ña jin san,
12 Te ja ni ka ndunaa saꞌun ini ña ñayiu jin san, na kuinio ja ni jiꞌi san,
13 Chi nini san ja ka kani ñayiu kuentu san,
14 Su sein, chi kukanu ini ña san jin maa ni, vi Jitoꞌo,
15 Te nuu ndaꞌa maa ni oo nagua kokuu jin san.
16 Saꞌa ni in javii javaꞌa jin san ja jinokuechi san nuu ni,
17 Ma kuandetu ni, vi Jitoꞌo, ja kendoo kanoo san,
18 Te na vi kasi yuꞌu ñayiu inu tnoꞌo ja ka kaꞌin siki ñayiu ndaa jin tnoꞌo teyii,
19 Nase vivii kaꞌnu ja kundaꞌu ini ni ñayiu ka yuꞌu niꞌnu ña jin ni,
20 Te ndee nuu yuꞌu ka nuu oo ndiaꞌa maa ni, tayuꞌu ni jin,
21 Kaꞌnu kuu Jitoꞌo, chi ni saꞌa ya kuaꞌa tniuu naꞌnu ja kundaꞌu ini ña ya jin san,
22 Su nuu ni yuꞌu san, te ni kachi san:
23 Ndiꞌi maa ni ja ka kuu ni ñayiu maa ia Dios, vi kokutoo ni Jitoꞌo,
24 Te vi koyutnu ndiꞌi maa ni ja ka kukanu ini ni Jitoꞌo,