1 Saꞌa kaꞌnu ña san jin ni, vi Jitoꞌo, chi ni ndatau ña ni nuu tnundoꞌo,
2 Ni jikan san ja chituu ña ni jin san, vi Jitoꞌo, ja kuu ni ia Dios maa san,
3 Te ni ndatau ña ni jin san ñuu jiꞌi, vi Jitoꞌo san, te ni ndataa ni ja teku san,
4 Vi kata ndiꞌi maa ni ja ka kuu ni ñayiu ndaa in yaa nuu ia Dios,
5 Chi nunuu ni kiti ini ya, su nikuii nikani kaꞌan ndaꞌu kaꞌan kee ña ya,
6 Chi nuu kukanu ini san ja oo guaꞌa san, te ni kachi san:
7 Chi ni chituu ña maa ni jin san, vi Jitoꞌo,
8 Te ni kana san nuu maa ni, vi Jitoꞌo, vi ni jikantaꞌu san nuu ni.
9 Chi tu nagua niꞌi ni ja kuu san, te kiꞌin san ja jinkoyuꞌu san nuu yau ñaña,
10 Konini ni tnoꞌo kaꞌan san, vi Jitoꞌo, te kundaꞌu ini ña ni jin san.
11 Ni ndasama ni tnoꞌo suchi ini ni tnaꞌa san, te jita jaꞌa san.
12 Te yun kuu ja kata san yaa ja saꞌa kaꞌnu ña san, te ma kasi yuꞌu san.