1 Kutoo ndevaꞌa ña san jin ni, vi Jitoꞌo san,
2 Maa ni, vi Jitoꞌo, kuu kava ja jito jini ña.
3 Ni ndakakuneꞌe san Jitoꞌo, chi kanuu ja saꞌa kaꞌnu san ya,
4 Ja ni ka jionduu ña jin san ja vi kaꞌni ña,
5 Te ja ni ka jionduu ña jin san ja vi tnaa ña ñuu jiꞌi,
6 Te jin maꞌñu sagua tnoꞌo suchi ini yun ni ndakakuneꞌe san Jitoꞌo,
7 Yun te vi ni niꞌi vi ni tnaa ñuyiu,
8 Te ni kee ñuaꞌa xnii ya, te yuꞌu ya ni kee ñuꞌu ja teñuꞌu ña,
9 Te ni ndakune ya andivi, te ni kuun ya siki in viko tnutnuu.
10 Te ni kaa ya yata in ia jinokuechi nuu ya ja oo ndijin, te ni ndagua ya.
11 Te nuu viko tnutnuu yun ni tayuꞌu nuu ya, te xinxiin ya ni jasi ya
12 Te vi yeꞌe tajan ndiaꞌa ya,
13 Te ni kaꞌndi ndee andivi ni saꞌa Jitoꞌo,
14 Te ni skunta ya yutnu ndugua ya,
15 Yun te nuu ni kaꞌan xeen ni, vi Jitoꞌo, vi ja ni tiutachi ni jin xnii ni,
16 Yun te ni skaa ia Dios ndaꞌa ya ndee sukun yun,
17 Te ni skaku niꞌnu ña ya nuu ndaꞌa tee inu ndakui ja ka kaꞌan uꞌu ña jin san,
18 Chi ni ka ndakoi siki san kiuu ni tnaꞌa san tnundoꞌo,
19 Te ni ndatau ña ya ja koo san in nuu nune jite,
20 Ni taa ia Dios in ja kutaꞌu kundetu san, chi saꞌa ndaa san.
21 Chi jika san nuu ichi maa Jitoꞌo,
22 Chi siun ni ñuꞌu ini guaꞌa san nuu ndiꞌi tnoꞌo kaxtnoꞌo ya,
23 Kuu san ñayiu ndaa nuu ya, te tu na jakueꞌe saꞌa san.
24 Ni taa ia Dios in ja kutaꞌu kundetu san, chi saꞌa ndaa san.
25 Chi saꞌa ndaa ni jin ñayiu ka saꞌa ndaa nuu ni,
26 Te xneꞌe ni maa ni ja ia vii kuu ni jin ñayiu vii,
27 Chi skaku niꞌnu maa ni ñayiu ka saꞌa ndaꞌu ka saꞌa kee,
28 Maa ni, vi Jitoꞌo san, guaa sieꞌe ni lámpara san.
29 Maa ni, guaa chituu ña ni, vi Dios, te kundee san siki ñayiu ka jaxin tnaꞌa jin san,
30 Te ichi ndaa kuu ichi ia Dios,
31 Chi maintnoꞌo maa Jitoꞌo kuu ia Dios,
32 Te maa ia Dios taa jandakui san,
33 Te saꞌa ñama ya siꞌi san ja jino san na kuinio isu,
34 Te saꞌa ñama ya ndaꞌa san ja kaxin tnaꞌa san,
35 Te ndesi niꞌnu ni nuu oo san na kuinio in kaa tikute,
36 Chi maa ni skaa ka siꞌin san ja jika ñama ka san,
37 Te ni sondikin san tee ka kaꞌan uꞌu ña jin san ndee ni jintnaꞌa san de,
38 Te ni skuechi kueli san de nagua ja ma vi kundee ka de ja vi ndakoo de,
39 Chi ni taa maa ni jandakui san ja ni ka jaxin tnaꞌa san, vi Dios,
40 Te ni saꞌa ni ja ni ka ndajiokuiin tee ka kaꞌan uꞌu ña jin san,
41 Ni ka kana de ja vi chituu ña jin de, su tu na in ni skaku niꞌnu ña.
42 Te ni saꞌa yuchi san jin de, na kuinio ñuyaka ja xtechi tachi,
43 Te ni skaku niꞌnu ña ni nuu ndaꞌa ñayiu ñuu san ja ka ndakoo siki san.
44 Te nuu kaꞌan san, te ka jantnoꞌo ñayiu yun nuu san.
45 Te ni ka kuita ñayiu inka ñuu, te vi suaꞌa ka niꞌi ja ka yuꞌi,
46 Na koteku Jitoꞌo nikaa nikiꞌin,
47 Chi maa ya kuu ia Dios ja ndaxtenaa ya ñayiu ni ka saꞌa ña jakueꞌe,
48 Maa ia Dios skaku niꞌnu ña nuu ndaꞌa ñayiu ka kaꞌan uꞌu ña jin san,
49 Te yun kuu ja saꞌa kaꞌnu ña san jin ni neꞌu ñayiu ñuu naꞌnu, vi Jitoꞌo,
50 Te saꞌa Jitoꞌo ja kundee san ja kuu san rey,