1 Konini ni joo tnoꞌo ja jikantaꞌu san nuu ni, vi Jitoꞌo,
2 Te maa ni, guaa saꞌa ndaa ni ja jaꞌa san,
3 Chi ni jito tnuni maa ni anu san, te ni ojito ña ni tnoꞌo jakuaa.
4 Te tu saꞌa san nagua ka saꞌa sava ka ñayiu,
5 Chi jika yutnu san nuu ichi ni, te tu kujioo san.
6 Kana ndaꞌu san nuu ni, vi Dios, chi jini san ja konini ni tnoꞌo kaꞌan san.
7 Xneꞌe ni maa ni ja ia ndaꞌu ini kuu ni,
8 Koto ña ni nagua jito ni tinuu nuu ni,
9 nagua ja ma vi kuni ña ñayiu kueꞌe ja ka ndakoo siki san
10 Ni ka saꞌa ndei ini anui, te ka kaꞌan xeen ka kaꞌan uꞌu ni.
11 Te vitna, chi ja ni ka jionduu ñai jin san nuu ichi jika san,
12 Chi ka kui na kuinio ndikaꞌa ja ndioo ini ti kakuiko ti kuñu kaa ti,
13 Ndakoo ni, vi Jitoꞌo san, te majinkiꞌin tnaꞌa ni jin ñayiu yun,
14 Te skaku niꞌnu ña ni jin jakaꞌnu maa ni nuu ndaꞌa ñayiu kueꞌe yaꞌa, vi Jitoꞌo san,
15 Su ja maa san ja kuu san ñayiu ndaa, chi kuni san yunuu ni,