1 ¡Kaꞌnu kuu Jitoꞌo!
2 Chi ndasaꞌa Jitoꞌo ñuu Jerusalén,
3 Te maa ya ndasaꞌa ñayiu ka kusuchi ini anui,
4 Te maa ya ni chikuaꞌa nasaa kimi ka oo andivi,
5 Kaꞌnu ndevaꞌa kuu Jitoꞌo, vi kaꞌnu kuu jakaꞌnu ya,
6 Te ndasaꞌa sukun ña Jitoꞌo jin ñayiu ka saꞌa ndaꞌu ka saꞌa kee mai,
7 Vi kata ni yaa ja ka saꞌa kaꞌnu ni Jitoꞌo.
8 Chi maa ya saꞌa ja ndachitu viko andivi,
9 Te maa ya jiñaꞌa ja ka jaa kiti,
10 Te tu kusii ini ya jin ja inu ndakui kuai,
11 Chi ja junkuaan ini ya kuu ja vi koyuꞌu niꞌnu ña ñayiu jin ya,
12 Te maa ni, ñayiu ñuu Jerusalén, vi saꞌa kaꞌnu ni Jitoꞌo.
13 Chi ni ndasaꞌa ndakui ya ndakaa yiꞌi yeꞌe ñuu ni,
14 Te maa ya saꞌa ja koo jamani nuu ñuu ni,
15 Te tetniuu ya tnoꞌo ya nuu ñayiu ñuyiu,
16 Te saꞌa ya ja junkau yaa ti iñu ninii nuu ñuꞌu na kuinio kachi,
17 Te skuun ya ñiñi na kuinio yuu kueli,
18 Yun te tetniuu ya tnoꞌo ya, te xtute ña jin yuaꞌa yun.
19 Te ni xneꞌe ia Dios tnoꞌo ya nuu ndikin tata Jacob,
20 Te tu ni saꞌa ya siun jin ñayiu sava ka ñuu,