1 ¡Kaꞌnu kuu Jitoꞌo!
2 Kosaꞌa kaꞌnu san Jitoꞌo ndiꞌi ni kiuu ja teku san.
3 Ma kukanu ini ni tee ka kuu naꞌnu,
4 Chi ka kana anui te ka jiꞌi, te ka ndajiokuiin ka ndui ñuyaka.
5 Su na taꞌu na ndetu ñayiu ja chindee chituu ña ia Dios ndi Jacob,
6 Chi maa ya ni saꞌa andivi vi ñuyiu vi ndute mar vi ndiꞌi tuꞌu ja oo nuu,
7 Te saꞌa ndaa ya ja jaꞌa ñayiu ka tnaꞌa tnoꞌo suchi ini,
8 Vi ndasaꞌa Jitoꞌo nduchi nuu ñayiu ka ndesi nuu,
9 Te jito jini ña Jitoꞌo jin ñayiu inka ñuu ja ka jika nuu ndaꞌu,
10 Te siun ni kotatnuni Jitoꞌo.