1 Nuu maa ni kana ndaꞌu san, vi Jitoꞌo. Neꞌe ñama ni, te chituu ña ni jin san.
2 Te na kenta tnoꞌo ja ndakuatu san guaa ndee nuu ni,
3 Koto ni yuꞌu san, vi Jitoꞌo, nagua ja ma kaꞌan san tnoꞌo kueꞌe.
4 Te ma kuandetu ni ja ndakani ini san saꞌa san in jakueꞌe,
5 In javaꞌa kuu nuu maa san, nuu ja in ñayiu ndaa na kani ñai jin san,
6 Te nuu junkuei tee ka tatnuni nuu ñayiu ka saꞌa jakueꞌe yun in yuꞌu kava,
7 Te na kuinio ja junkuiin jichi nuu ñuꞌu ja ka jani yukun,
8 Nuu maa ni yinuu guaꞌa san, vi Jitoꞌo san,
9 Te koto kuni ña ni jin san, nagua ja ma kanakau san nuu xeyu vi nuu ñunu
10 Te na vi nanakau maa ñayiu ka saꞌa jakueꞌe nuu ñunu ja ka jakin yun.