1 Vi ndakuantaꞌu ni nuu ia Dios,
2 Te na vi kaꞌan ñayiu ni ndatau Jitoꞌo ja ia guaꞌa kuu ya,
3 vi ñayiu ni ndaxtutu ya nuu ndiꞌi ñuu,
4 Te ni ka ojika ndoñuꞌi nuu ñuꞌu teꞌa nuu tu na ñayiu ka oo,
5 Te ka yichi vi ka kokin,
6 Yun te nuu ka kusuchi ndevaꞌa ini, te ni ka kana ndaꞌui nuu Jitoꞌo,
7 Yun te ni jaka ña ia Dios in ichi ndaa
8 Na vi ndakuantaꞌu ñayiu yun nuu Jitoꞌo, chi kundaꞌu ini ña ya jin,
9 Chi jiñaꞌa ya ndute ka jiꞌi ñayiu ka yichi,
10 Te sava ñayiu ka oo ñunee ja vi ja yatni ja vi kui,
11 Chi ni ka kusoꞌi nuu tnoꞌo ni tatnuni Jitoꞌo,
12 Te yun kuu ja ni saꞌa ia Dios ja ni ka satniuu ndee ndevaꞌi,
13 Yun te nuu ka kusuchi ndevaꞌa ini, te ni ka kana ndaꞌui nuu Jitoꞌo,
14 Te ni ndatau ña ia Dios nuu ñunee ja vi ja yatni ja vi kui
15 Na vi ndakuantaꞌu ñayiu yun nuu Jitoꞌo, chi kundaꞌu ini ña ya jin,
16 Chi ni skuechi ya yeꞌe kaa ja kuu bronce,
17 Te sava ñayiu vasa, chi ni ka ndakoi siki ia Dios,
18 Te ni ka kukini ini ndiꞌi ndei ja ka jai,
19 Su nuu ni ka kusuchi ndevaꞌa ini, te ni ka kana ndaꞌui nuu Jitoꞌo,
20 Yun te ni tetniuu ya tnoꞌo ya, te ni ndasaꞌa ña ya,
21 Na vi ndakuantaꞌu ñayiu yun nuu Jitoꞌo, chi kundaꞌu ini ña ya jin,
22 Vi soko ni kiti ja ka ndakuantaꞌu ni nuu Jitoꞌo,
23 Yun te ni ka skaka tee ka xiko ndatniuu jin barco,
24 Te ndee nuu kunu ka nuu ndute mar yun
25 Chi ni kaꞌan ia Dios, te ni junkiꞌi in tachi niꞌi ndevaꞌa,
26 te ni ndaa ndute yun guaa ndee andivi, vi ni nuu de ndee kaꞌa ndute mar.
27 Te vi suaꞌa ka niꞌi de, te ka ndondiso de na kuinio ñayiu ka jini,
28 Su nuu ni ka kusuchi ndevaꞌa ini de, te ni ka kana ndaꞌu de nuu Jitoꞌo,
29 Te ni sama ya sau tachi yun jin in tachi vita ni,
30 Te nuu ni ka jini de ja ni junkuiin ola ndute mar yun, te ni ka kusii ini de.
31 Na vi ndakuantaꞌu ñayiu yun nuu Jitoꞌo, chi kundaꞌu ini ña ya jin,
32 Vi saꞌa kaꞌnu ni ya nuu ka ndututu ni ja ka kuu ni ñayiu ñuu ya.
33 Ni saꞌa ia Dios ja ni ka yichi yute,
34 Te ni saꞌa ya ja tu kuvaꞌa ka ñundeꞌi ja ni okuvaꞌa vii ndevaꞌa,
35 Te suni ni saꞌa ya ja ñuꞌu teꞌa yun ni nduu in nuu ñuꞌu ndute,
36 Te yun ni jiñaꞌa ya in nuu vi koo ñayiu ka jiꞌi soko,
37 Te ni ka jitui nuu ñundeꞌi vi ni ka ndaxtei tnu uva,
38 Te ni saꞌa vii ni saꞌa vaꞌa ña ia Dios, te ni ka ndakaya kuaꞌa ndevaꞌi,
39 Su nuu ndevaꞌa ndetnuni ni ka saꞌa ña jin,
40 Te ja jaꞌa yun kuu ja ni skexiko ña ia Dios jin tee ka kuu nijaꞌnu ja ni ka saꞌa jakueꞌe yun,
41 Su ndatau ya ñayiu ka kundaꞌu nuu tnoꞌo suchi ini ja ka tnaꞌi,
42 Te nuu vi kuni ñayiu ndaa ja siun saꞌa ya, te vi kokusii ini,
43 Na in kuu ñayiu ndichi, te na kuꞌun ini tnoꞌo yaꞌa,