1 Tanuu tnoꞌo ndichi ja kaꞌan rin nuu ron, vi seꞌe,
2 nagua ja kuni ron tavaꞌa ron tnoꞌo yun,
3 Chi yuꞌu ñaꞌa skindee yii ña kee tnoꞌo luu ndevaꞌa na kuinio nduxi ñuñu,
4 Su nuu xndiꞌi ron ja koo ron jin ña, te nduu ugua, na kuinio yuku ugua,
5 Te kuaꞌan maa ña jin siꞌin ña ichi nuu kuu ña,
6 Te tu ndiꞌni ña ja kaka ña ichi jiñaꞌa ja teku ña,
7 Te vitna te konini tnoꞌo kaꞌan rin, vi seꞌe,
8 Te kujioo nuu ichi jika ñaꞌa yun,
9 nagua ja ma kuñaꞌa ron jandakui ron nuu inka ñasiꞌi,
10 Chi kana saa ndenuu ini inka ñayiu jin jandakui ron,
11 Te sandiꞌi te kondaꞌi ron ja kondatnaꞌu ini ron
12 Te kachi ron: “¿Naxa ni kuu ja ni skexiko tnoꞌo ja ni ka kaxtnoꞌo nuo?
13 Te tu ni oninio tnoꞌo ni ka kaꞌan tee ni ka kaxtnoꞌo nuo,
14 Te vi ja oo ja skunaa ndiꞌo
15 Su vitna, vi seꞌe, te koꞌo ndute ñuꞌu nuu poso maa ron ja kuu ñasiꞌi maa ron,
16 Te ma kati ron nuu ndute kee ja nevaꞌa ron nuu ichi,
17 Te na kokuu kuenta maintnoꞌo ni maa ron,
18 Na taꞌu na ndetu nuu ndute ron,
19 Chi kuu ña na kuinio in jitna ja kutoo ndevaꞌa ron,
20 ¿Te nau ja koxnaꞌa tnaꞌa ron jin ñaꞌa skindee yii, vi seꞌe?
21 Chi ndiaꞌa maa Jitoꞌo ichi ka jika teyii,
22 Te tee kueꞌe, chi ndakakuiko ña jakueꞌe saꞌa de yun,
23 Te kuu de, chi tu ni onini de nuu ni ka ndakanu ichi ndaa ña jin de,