1 Natane natdetdetna atangu wamu takeaknga aknga kwaapzang yuaing.
2 Ga aminu sikngaapa. Aminu tapatu ga binga dua yuak.
3 Ga kingu kekeknga sikngaapa. Siwan umanda kopsa aknga enane siknga yuak.
4 Ga Kingu tupan tapa, umanda kayaapa yuayak. Gata ikwawa gamanu hos gwene pukwike kuku amak tasike yapbikgaunin.
5 Gatane sakutda paanga siknga, siwan ita iwanda siakande yamningge tasiyo.
6 Anutu, ga king kapa dakngake asinggan asinggan yuayak.
7 Ga sanga noman takngaekan gwaam siknga natake waiakngae ga asiknga bitanggayak.
8 Sike gatane taukga aknga sanga kapanga kaa tasiwi taukga kapanga kaa siknga singgak.
9 Sike king kapa apatane yapanaat gatu maya kundu gata tasiwi umana kaya dakngakingkat yuaing. Sike katakga kwanaapane maya gata maatdae takuyak kapata dandamake yuak.
10 Ga maya mateu king kapa apbae tanangge nataau, gata nae wam gwaamuke anzing natapso.
11 Gata unzing tasiwi king kapata ganduke maya aapa take siknga ngang natanggamunggak.
12 Sike aminu Tair yotbam gapmane nanata sanga kundu gae gamunangge pakapning.
13 Maya mateu kinggane waapa yotna inatakan pekgak gwekatang yuwan kana gwaam siknga singgak.
14 Sike tauknga waaknga kunzi inata inata pasiking.
15 Waakwakga apbakngake musip gwaangu kuutnata natake
16 Sike ga king kapa, masande gatane waakga kwaapzang siwik. Siwana itaa gatane bapuka tupa aaking ge tangge yutning.
17 Nata gatane umanda kopsa aknga yakapa aminu apmea aatningga masande gae asinggan natayutning.