1 Anutu, nindane bapuninda
2 Gata gika siknga kekekngakata dongu takngatui
3 Siwana bapuninda asaambing. Siwan ngana keu waomu amak tasike dua taking.
4 Ga kingkapa, siwan natane Anutuna.
5 Gatane kekeknga aknganeta iwaninu yawapena kukaing.
6 Na kweem ba sakutna kaya ngana na baniu sanga wanda gatangaman amau apme tasiwit ngangu dua nataat.
7 Wena. Gata siknga gatanimi amau tasike iwaninda ninu dua nipbiking. Wena.
8 Anutu, gata take siknga gatanimiyakge natake ganimbakngakamang.
9 Siwan ngana apmanu dasing? Gata ninu masa gwa nimuke ninu iwaninde kaine tasiwi upeekamang.
10 Gata unzing tasiwi ninu iwanin kagwauke datakukumang.
11 Gata ninu sipsip gwengwen yasikaing binga nisipan kumnimde nindupekuyak. Nindupewawi kepmine yuatna ngana ninikwasikuyak.
12 Gata ninu gikane amindabamu nindupewi dongu kundutane puya amina moo dakngakamang.
13 Gata ninu unzing pasiwi dongu kundu ninde wesim yuaingga sapdut wam ninikaing.
14 Gata pasiwi enake ie ninu dongu kunduta maaknga umaninu yakaing.
15 Nina natapa wai asinggan siwan na maaknga siknga nataat.
16 Dasingge? Aminu kunduta sapdut wam nanike wamu waiaknga nanikaing.
17 Anutu, ninu gae dua botakumang.
18 Ninu gae masa dua gamuke
19 Siwan ngana gata ninu amina wena, kaap zonggakan yuaing komune pasiwi maikumang.
20 Ninda Anutue gwamba botakumang?
21 Gatanu atnatapiak.
22 Anutu, ninu gatane amindabamda yuamang. Unzingge ninu tapdukbam asinggan nisipa kungwakamang.
23 Buyambam tapa, ga enayo. Dasingge ga dapunu pekgayak?
24 Dasingge ga ninde kusopunggayak? Aminda ninde wai pasiwa ninu meyambam pake yuamang.
25 Ninu kepatang pimakamang.
26 Anutu, gata enake apu gatanimuyo.