1 Anutu, na gae banip gwaang siknga nataat. Gata na atapi kekekanggat.
2 Buyambam tapana damanu kekeknga gwenu unin. Sike i suu gwenduta binga, na takusopunggak. Sike ita na iwanae katune sandeke tanggak kapanin.
3 Buyambam tapatane umana kopsa aknga unin.
4 Na akupitde wesimu asikum. Sike wa nau takngatuta binga kekeknga wamanggaganuwan yukum. Siwan wai aminda na nuwa maiwitde kumzang tasikaing.
5 Ngan, nau takngatuta binga kekeknga wamanggaganuwan nata kupitde wesim sikum.
6 Na meya waakwak natake Buyambam tapae sitawakum.
7 Siwan, Buyambam tapata musia toknga natane iwanae natapbut.
8 Ngan, musia toknga natapan kupan taknga Buyambam tapatane nomna ganang epuwawan
9 Ita minga musa kwasiwan kuwan yekau teke epuke
10 Unzing angela tapatuta binga gwaamuke bepmake apbut.
11 Ita tasiwan zikaandaka sel you gwendu binga dakngawan undang kusopukut.
12 Siwana undangga kakaa siknga aknga sikut. Siwan minga musaatangga kakaa aknga uneta epbing.
13 Buyambamtapa yekaune yuke gakngatda binga kaapmapa kumzang yakut.
14 Ita sakutda yamawawan iwana gwatdu gwatdu datakuking.
15 Buyambam tapa, gata iwandae kaanga yanike nombata tasiwi
16 Ita yekaune yuke kataknga tewan epan na gatuna takut.
17 Natane iwana kekeknga siknga. Ge nata yapbitnanga dua.
18 Ngan, nata tapduu wai yukum komune iwanata nae apu amak tasiking.
19 Ita gatangamuke nanitakuwan nata keu aanggaman komune take yukum. Sanga gwautnanga aknga wena sikut.
20 Nata gutonga takngatu dua tasiwa nanduke Anututa naenu take tasikut.
21 Nata Buyambam tapatane mama wamu take tawakum.
22 Ngan, nata asinggan itane mama wamdekan natanggamatakum.
23 Unzingge ita atnataak. Na ie gutonga takngatu wena.
24 Buyambam tapata natane noman taknganae natayukut.
25 Buyambam tapa, aminu tapatuta masa gae dua gamanu gakaa yake gata masa dua imiyak.
26 Sike aminu tapatuta noman akngaekan ba tawambanu, gata noman taknga yake tasinggamuya.
27 Gata aminu ninu kopsa amin dua dakngake yuamang ngang yakaing aminu apanggayak.
28 Buyambam tapa, gata kakaa aknga namunggayak.
29 Anutu, gata akgatangaminu nata amak tasike iwana ayaipakepu pewit.
30 Anututane yuyuknga aknga take siknga siwan noman gan.
31 Buyambam tapakan i Anutu siknga. Asikaya Anutu tapatuat ba dasing?
32 Anututakan tasiwan na kekeknga yuat.
33 Ita katak siknga nanduyuwawan na dua pimanggat.
34 Gatu ita amak tasinanga akngae nanindamukgak.
35 Buyambam tapa, gata na gatangami nata tiunggu take iwana ayapbimbit.
36 Gata kepi nata sukunggat tapa tanomanuwi
37 Siwan nata iwana zipnangge yawake panggagunukum. Sike iwana waakwau atzipa kumbing.
38 Ngan, nata kuutgan zipa
39 Gata kekeknga amak tasiwitde namukuyak.
40 Gata pasiwi natane iwana mase nae namuking.
41 Waakwakga notnae yawa apu gatayamuningge yawan ngana aminu tapatu undang dua yukut.
42 Nata pasiwa gatukande muyuu gotda apu puyapan kukaing binga dakngaking.
43 Siwan ngana tapduu aminu kundu natane dongune nanata nutnangge tasiking komune gata gatangami na dua tasiwa maikum.
44 Aminu kunduta kepna kepna nana aminda natane umana kopsa akngae natake
45 Puke kekekngana wena siwan
46 Buyambamtapa asinggan yuwawik. Ita suu buyambam gwenduta binga na wamambasiwik.
47 Anututa waiaknga nae tasikaingu iwanae yake meya yamukut.
48 Siwan ita na iwande kataune sandeke takut.
49 Unzingge Buyambam tapa, nata gatane umanda aminu takngatu takngatue banakan yuke yatangenawit.
50 Buyambam tapata na, Devit, King kapa dakngawitde yakut.