1 Lagu kaadharina Asaf.
2 Maasangia uudhania o uumatimu mopadhana ipotibhaakamu i piamo itu,
3 Paporopea bhengkalamu i tampa mohancuru saʼumurua sumai;
4 Manga bhalimu akakee-kee, "Takanamo!" i tampamu momangkilo,
5 Atokamata mboomo mia moangkana ndamuna apekalanga-langea
6 Bhari-bharia bara ibheloki
7 Manga incia atunu bhanua ibaadatimu sakawana arata tee tana,
8 I nuncana ngangarandana manga incia apogau,
9 Ingkami indamo uka takamata manga tanda inda momentela,
10 E Aulataʼala, sakawana naepia manga bhali bheaele-eleko?
11 Pokia Ingkoo uhelaia pendua o lima kaanamu?
12 Maka o Aulataʼala o rajaku minaaka i piamo itu.
13 Tee kakaamu Ingkoo uweta tawo,
14 Ingkoo upekapuro manga bhaana Lewiatan,
15 Ingkoo mobungkalena matana uwe tee umala;
16 Ingkoomo mopadhaangiana eo tee malo,
17 Ingkoo mopatotapuakana bhari-bharia tidhana alamu,
18 Udhania tuaapa o musumu aele-eleko, e KAWASANA OPU,
19 Bholi upasaraaka inyawana manu-manu jarajaramu i binata masega,
20 Udhania o pojanjia ipewaumu tee ingkami,
21 Bholi utaroakea o mia motopisaki ambuli atopekaea,
22 E Aulataʼala, bhangumo, ewaakea o parakaramu;
23 Bholi umalinguakea o suarana manga bhalimu,