1 Zaburuna Asaf.
2 Maka iaku saidhepo kusindoli,
3 roonamo kugigibulu kukamata mia mosombo
4 Manga incia inda anamisi kapii,
5 Manga incia inda anamisi kanarakaa mboomo mia mosagaanana,
6 Siitumo o sababuna manga incia aporanteaka tee pewau mosombo,
7 Matana manga incia aʼuntu roonamo kaogena bukuna,
8 Manga incia tee kadhakina aele-ele tee apeonii mia mosagaanana,
9 Ngangana manga incia ahina sorogaa,
10 Sumaimo manga mia ambuli aose manga incia,
11 Tee manga mia madhaki apogau, "Tuaapa o Aulataʼala bheamataua opea ipewaumami?
12 Kamatamea, mboo siimo manga mia madhaki:
13 Satotuuna asia-siamo kujagani ngangarandaku mamudhaakana amangkilo,
14 Roonamo saeoa akangkanaiaku balaa,
15 Ande kupogau, "Iaku gauku kupogau mboo sumai,"
16 Maka i wakutuuna kuʼusaha to kumaʼanaia,
17 siimpo kumataua o kapadhaana dhadhina manga incia
18 Satotuuna, i tampa momararo udhika manga incia,
19 Manga incia abinasa sakijamata,
20 Manga mia madhaki bheaila mboomo pongipi i wakutuuna o mia atobhangu i koleana.
21 Wakutuuna ngangarandaku amaporo mpuu,
22 iaku kukabhongo-bhongo tee inda tee imaʼanaiku,
23 Moomini mboo sumai, iaku sadia i saripimu.
24 Ingkoo utondaaku tee naasehatimu,
25 Incema motulungiaku i sorogaa ande mencuana Ingkoo?
26 Inyawa tee badaku amembali amofu tee abinasa,
27 Satotuuna o mia momaridhona minaaka i Ingkoo bheabinasa.
28 Maka to iaku, tapanamo kalape ande kupomakasu tee Aulataʼala,