1 Zaburuna Daud. Zikiri i wakutuuna pasombaana kurubanina kaudhania.
2 E KAWASANA OPU, bholi uhukumuaku i nuncana amaramu,
3 Roonamo anana panamu atongke i badaku,
4 Inda dhaangia o kalapena namisi i badaku roonamo pamurumu,
5 Manga kasalahaku abhari alaloia o bhaaku,
6 Manga kambelaku akobhou tee amabuto,
7 Kapiiku amatamo mpuu, sabutuna inda amembali kukakaro.
8 Badaku amasodho roonamo amagari buluku,
9 Tanagaku amapupumo sabutuna inda kunamisi opeopea,
10 E Kawasana Opu, bhari-bharia pemeliliku atokamata i aroamu,
11 Randaku akabhaka-bhaka tee o tanagaku indamo dhaangia,
12 Manga sabhangkaku indamo akasuiaku roonamo panyakiku,
13 Manga mia bhemopekamateaku ataakaaku katapu,
14 Maka iaku mboomo mia mabhongo inda moporango,
15 Atotuu, iaku mboomo mia inda moporango,
16 Maka iaku kuharapu i Ingkoo, e KAWASANA OPU.
17 Iaku kupogau, "Ancosala manga incia akaunde-unde akamataaku kusukara,
18 Iaku saidhepo kumandawu,
19 Iaku kuʼakuia manga kasalahaku,
20 Manga musuku amakaa tee abhari mpuu,
21 Manga mia abalasi kalapeku tee kadhaki,
22 E KAWASANA OPU, bholi ubholiaku.
23 Tulungiaku pekadhei,