1 Zaburuna Daud.
2 Pujimo KAWASANA OPU, e ngangarandaku,
3 Incia moʼamponina bhari-bharia kasalahamu,
4 Incia mopasalaamatina inyawamu minaaka i koburu,
5 Incia mopatumpuna incamu tee kalape.
6 KAWASANA OPU mokarajaana hukumu tee kaʼadili
7 Incia asusuaka dhalana to Musa
8 Sababuna o KAWASANA OPU abukeaka kaasina inca tee rahumati,
9 Incia inda mangaraeaka torotorosu,
10 Incia inda manga hukumu apokana tee dosata,
11 Roonamo mboomo kalangana laiana i bhawona alamu,
12 Mboomo karidhona minaaka i timbu sakawana i bhara,
13 Mboomo samia ama amaasiaka manga anana,
14 Roonamo Incia amataua tuaapa ingkita tatopebhangui;
15 Maanusia o dhadhina amampodho mboomo rumpu;
16 ande atowiia ngalu, amalaumo o kamba-kamba sumai,
17 Maka o kaasi molagina KAWASANA OPU sadhaadhaa abakaa to manga mia momaekaia,
18 siitumo to manga incia mokeniakana pojanjiana
19 KAWASANA OPU padhamo apatotapuaka kauncuramakana i sorogaa,
20 E bhari-bharia malaaʼekati pujimo KAWASANA OPU,
21 E bhari-bharia tantarana i sorogaa pujimo KAWASANA OPU,
22 Pujimo KAWASANA OPU, e bhari-bharia mahaluku ipadhaangiana,