1 Ay Q'ončux, bito nəsilxoy umudi ga Hunnu.
2 Hun hələ burqesunaxunal běš bakiyonu, ay Buxačux,
3 İnsana "k'ulaxunen haq'eśe k'ulal gərbakalnu" pi
4 Sa hazar usen hik'k'al tene Vi piyes,
5 Xenen taşalt'ullarik' tanşt'a Hun amdarxo,
6 Savaxt'an göpgöyün ěqeśi kalabakala,
7 Mone, əfçinebsa yax Vi əcuğon,
8 Vi piin běše beşi taxsırxo bito,
9 Beş ğinane mə̌yinbsa Vi əcuğon,
10 Beşi ömüren heq'ədəre zap'e ki güvə?
11 Vi hirsen k'ə bes baksuna beyne p'aq'est'ala şey tene!
12 Zomba yax beşi hər ğine q'ədirə avabaksuna,
13 Bəsp'a, ay \+w Q'ončux\+w*! Yəni me əcuğ sal tene çaxeğal?
14 Kammaba yaxun Vi nu badalbakala çuresuna ği burqeğat'an,
15 Yax caza zapest'i hər ğine gala,
16 Barta Vi k'ulurxon Vi biq'ala əşurxo,
17 Ay beşi Buxačux bakala Q'ončux, beşi loxol běğa!