1 Zu həmişə \+w Q'ončuğoy\+w* nu badalbakala çuresunaxun mə̌ğk'oz,
2 Metərez mə̌ğě zu: "Vi yax çuresun həmişəluğe, nu badalbakala çuresune şo,
3 Vi ǰomoxun c'eri əyitmuxe morox:
4 "Vi taxt' sal sa vədə ams'i tene mandal,
5 Ay \+w Q'ončux\+w*, göynul bakalt'oğonal Vi biq'i nu ak'eśi əşurxot'un mə̌ğpi tərifləyinşbsa,
6 Bune ki göynul \+w Q'ončuğo\+w* p'ap'alo?
7 Q'ı̌yene haq'sa angelxo Şot'ay běš,
8 Ay Göye Q'oşuni Buxačux bakala \+w Q'ončux\+w*, Va p'ap'alo butene!
9 Dənizxoy loxol kalaluğbalonu Hun,
10 Bitot'ay pula haq'i Raxavan duği besp'i Hun,
11 Göyurxoval, oç̌alinal binorina Hunen laxe,
12 Q'uzeyal Hunen yaratmişe, güneyal,
13 Zorbane, başarağlune Vi kul,
14 Düzgünluğen q'a düzgün divanbsunene ə̌leśe Vi taxt',
15 Vi s'iya alabala mə̌ğur mə̌ğpsun q'ısmat baki azuk' he bəxt'əvəre, ay \+w Q'ončux\+w*,
16 Vi s'iya duğsunen içoğoy ği mǔq c'ovakalorox,
17 Axıri şot'oğo zorba baloval, s'iye q'ončux baloval Hunnu,
18 \+w Q'ončuxe\+w* yaynak' bač'an bakalt'u c'ək'k'alo,
19 Mone, metəren pey Hun Vi yaq'en tağalt'oğo,
20 Bez k'ul Davidaz eçeri arśevk'i, lafest'a şot'o me ganu arst'un,
21 Şot'ay loxol bakale Bez kul həmişə,
22 Nə düşmənen şot'o sakes tene bakal,
23 İz düşmənxo turin oq'a laxoz şot'ay piin běš Zu,
24 Şot'ay bač'ane çurk'oz Zu,
25 Şot'ay kul hər gala p'ap'ale,
26 Şot'in Za "bez Bava, bez Buxačux,
27 Zuval şot'ay loxol k'oji kala ğar loxol běğala piin běğoz,
28 Bezi nu badalbakala çuresuna şot'o həmişə ak'est'oz,
29 Şot'ay s'i sal sa vədə tene aç̌al,
30 Əgər şot'oxun bakit'oğon Bezi k'anuna t'ǒǒxbayt'un,
31 Bezi bürüşit'oğo hik'k'albi,
32 Şot'oğo Bezi əyitəxun c'eysuni k'ə baksuna ak'est'oz!
33 Ama p'urumal Bezi nu badalbakala çuresuna kamtezbal şot'oxun Zu,
34 Bezi şot'oxun ğaç̌eśi irəziluğa tez śark'al Zu,
35 Əfçi nu c'eğala sa əyitez tade Davida Zu,
36 Padçağxoy nəsil bakale şot'ay nəsil,
37 Şot'ay padçağluği həmişəluğ baksunaz pe,
38 Ama mone, Vi c'ək'p'it'uxun ç̌on taradi Hun,
39 Şot'oxun ğaç̌eśi irəziluğa śarenpi,
40 Yerusalimi q'aloğon śarpi Hun,
41 İsəəl yaq' c'ovakalt'in şot'o fǔq'ene,
42 Kulen biq'i şot'ay düşmənxo Hun,
43 Hun q'ılıncan şot'ay kiyexun duği saki,
44 Şot'ay tamtarağaxun hik'k'al tene mandi,
45 Cəyilcə q'ojanbi şot'o,
46 Ay \+w Q'ončux\+w*, hələ heq'ədər Va yaxun ə̌xil biq'alnu Hun?
47 Za eyexun ma c'evk'a! Heq'ədər mandalyan ki me dünyəne güvə?
48 Şuva ki me dünyəni t'ǒğə biq'i çurpiyo?
49 Horebay Vi nu badalbakala çuresun, ay Q'ončux?
50 Běğa Vi k'ula hetəre lafst'a buxačuxsuzt'oğoy Va lağa haq'sun,
51 Běğa hetərt'un Vi düşmənxon içoğoy ǰomo eğalt'u əyite,
52 Alxışq'an baki \+w Q'ončuğo\+w* həmişə!